《山楂树之恋》：『史上最乾淨愛情片』！？

有幸上星期係深圳睇左呢套《山楂树之恋》，不得不佩服張藝謀導演，一把年紀拍呢種幼齒純愛片都拍得幾好！
好在咩？咪好在得心應手，做到佢想做既野：要你喊！煽情！
基本上，劇本係艾米既小說改編，感覺上似睇緊韓片個 d 絕症橋，雖然老套，但最緊要受。如果故事背景唔係文革，求其配韓語上去話係韓片都有人信！
不過當中都有好多好笑位，將你既情緒翻來覆去，係剪接同鋪排既功力！值得讚下！
但鄙人對佢既宣傳 slogan 略有微言o羅，『史上最乾淨既愛情片』…都摸勻哂，唔通保得住塊處女膜就係純潔！？大陸宜家真係開放…
套戲香港好似要 11 月先有得睇…不過我諗香港唔會受…兩個男女主角都唔靚…
男主角棚牙…白到好似假牙，可以去賣牙膏廣告。

P.S.深圳睇戲都算貴，要 ¥80 RMB…

Trailer︰